kabhi panchhiyon ko dekh ke hans deti hu
kabhi phoolon ko dekh ke muskura deti hu
ha mujhe me esi hi pasand hu, achhi lagti hu
khabi honey Singh to kabhi Jagjeet singh ke gane gungunati hu
aaine khud ko dekh ke gussa hoti hu
to kabhi itra jati hu
ha mujhe me esi hi pasand hu, achhi lagti hu
chalte hue kabhi fudakne lagti hu,
kabhi chalte chalte tham jati hu ,
jaruri nahi hote hue bhi jor se aawaz lagati hu
ha mujhe me esi hi pasand hu, achhi lagti hu
kabhi balo ko bandh leti hu, kabhi bandhne se mukar jati hu
kabhi wakiye yad aane pe muskurati hu,
kabhi koi kam ulta karke bhool jati hu,
ha mujhe me esi hi pasand hu, achhi lagti hu
kabhi dusro ke bare me soch ti hu ,
kabhi badi selfish ho jati hu
wajan kam karne ke nuskhe doondti hu
man hone pe extra khati hu
ha mujhe me esi hi pasand hu, achhi lagti hu
make up mujhe ras ni aata,
haircut mere man ko ni bhata,
per fir bhi khud ko pura pati hu
khud ki galtiyon se darti hu
khud ke jokes pe hansti hu
ha mujhe me esi hi pasand hu, achhi lagti hu
No comments:
Post a Comment